Azərbaycan, Bakı, 12 noyabr / Trend , müxbir H.Vəliyev /
R.I.S.K. Elmi-İstehsalat Şirkəti "eSened" elektron sənəd dövriyyəsi sisteminin İnternet resursunun işə salınması barədə bildirib, Trend -a şirkətdən xəbər verilib.
Resurs istifadəçiləri "eSened" proqram paketinin əsas fuksional xüsusiyyətləri və imkanları ilə tanış olacaqlar.
"eSened" sistemi IBM: Lotus Domino bazasında yaradılan praktik həlldir və kargüzarlıq, informasiya bazasının formlaşdırılması, işçi qrupların səmərəli işi üçün şəraitin yaradılması, sənədlərin razılaşdırılması proseslərinin idarə edilməsi imkanlarının yardılması, bu və ya digər tapşırıqları icrasının tapşırılması, müxtəlif xidmətlərə və şöbələrə məlumatın verilməsi, sənədlərin qeydiyyatı, sənədlərin icrasına nəzarət və s. ilə əlaqəli olan proseslərin avtomatlaşdırılması üçün nəzərdə tutulub.
Müəssisə şəraitində iş üçün uyğunlaşdırılmış və Azərbaycanda elektron hökumət texnologiyalarının tətbiqinə yardım edən alət olan proqram kompleksi şirkət tərəfindən işlənib hazırlanıb
"eSened" sistemi Azərbaycanda kargüzarlığı və sənəd dövriyyəsi prosesinin idarə edilməsinə imkan verən ilk həlldir. Məhsulun hazırlanmasına şirkət tərəfindən 2002-ci ildə başlanılıb. Hazırda sistem Azərbaycanın bir sıra dövlət və özəl müəssisələrində tətbiq olunur.
Məqalə müəllifi ilə əlaqə ünvanı: [email protected]
