Azərbaycan, Bakı, 21 noyabr / Trend , müxbir H.Vəliyev/
Azərbaycan Dövlət İqtisad Universitetində Oracle akademik proqramı fəaliyyət göstərəcək. Bu barədə şənbə günü Softline şirkətindən deyilib.
Oracle Academy akademik təşəbbüsü tələbələrin informasiya texnologiyaları sahəsindəki fənləri yaxşı mənimsəmələri məqsədilə yaradılır. Oracle təhsil proqramı 2010-cu ildən fəaliyyət göstərəcək.
Oracle Academy proqramının müxtəlif kateqoriyalardan olan dinləyicilər üçün nəzərdə tutulmuş (ICSB, ACSB və EBAP) alt proqramın məzmununa dair üç müstəqil və müxtəlif strukturu var.
ICSB proqramı texnikum və kolleclərə yönəldilib və özündə SQL və PL/SQL proqramlaşdırılmanı və məlumat bazasının arxitekturası üzrə ixtisaslaşdırılmış kursu birləşdirir.
ACSB verilənlər bazasının idarəetmə sisteminə dair layihələşdirmə, inzibatçılıq və proqramlaşdırma üzrə peşəkar kursdur. ACSB-nin məqsədli auditoriyaları İKT ali təhsil müəssisələri, İKT fakültələri və ali təhsil müəssisələrinin ixtisaslarıdır.
EBAP proqramı ilə biznes yönümlü təhsil müəssisələri və fakültələri (iqtisadiyyat, idarəetmə və s.) üçün biznes tətbiqetmə (maliyyə, layihə idarəetmə, idarə heyəti) üzrə peşəkar kursların keçirilməsi nəzərdə tutur.
Oracle akademik təşəbbüsü mərhələlərlə Azərbaycanın digər təhsil müəssisələrinə də yayılacaq. Proqram çərçivəsində tələbələrə pulsuz elektron materiallar veriləcək və ödənişsiz tədris aparılacaq.
Təhsil layihələrində iştirak tələbələrə, müəllimlərə, peşəkarlara Oracle-ın məhsullarını öyrənməyə və idarəetmə məsələlərinin həllində onlardan istifadə etməyə imkan verəcək.
Məqalə müəllifi ilə əlaqə ünvanı: [email protected]
