...

Microsoft Azərbaycanın iki ali məktəbində IT Academy proqramının reallaşmasına başlayıb

Telekommunikasiya Materials 4 Mart 2010 12:03 (UTC +04:00)
Microsoft-un Azərbaycandakı nümayəndəliyi Bakı Kompüter Kollecində və Azərbaycan Dövlət İqtisad Universitetində Microsoft IT Academy proqramının reallaşmasına başlayıb. Trend Capital-a Microsoft Azerbaijan şirkətinin "Təhsildə tərəfdaşlıq" üzrə proqramının meneceri Emin Axundov bildirib.

Azərbaycan, Bakı, 4 mart / Trend , müxbir H.Əliyev/

Microsoft-un Azərbaycandakı nümayəndəliyi Bakı Kompüter Kollecində və Azərbaycan Dövlət İqtisad Universitetində Microsoft IT Academy proqramının reallaşmasına başlayıb. Trend -a Microsoft Azerbaijan şirkətinin "Təhsildə tərəfdaşlıq" üzrə proqramının meneceri Emin Axundov bildirib.

Axundovun sözlərinə görə, Təhsil Nazirliyi ilə birgə həyata keçirilən proqram ali və orta məktəblər üçün hazırlanıb, təhsil alanların sertifikatlaşdırılmış Microsoft imtahanlarını verməyə hazırlanmasını nəzərdə tutur. Tədrisin sonunda hər tələbəyə dünya səviyyəsində sertifikatların alınması üçün sertifikatlaşdırılmış imtahandan keçmək haqqında diplom verilir.

Microsoft IT Academy çərçivəsində ali məktəblər üçün iki iştirak səviyyəsi təklif olunur - Microsoft Office Specialist və IT Professional. IT Professional səviyyəsində stolüstü və portativ kompüterlərə texniki dəstək üzrə mütəxəssislərin peşəkar hazırlanması, kompüter sistemləri, şəbəkə və baza məlumatları inzibatçılığı, əlavələrin və baza məlumatlarının hazırlanması. Microsoft Office Specialist səviyyəsi orta məktəblər üçün nəzərdə tutulub. Bu kurslar çərçivəsində Microsoft Office-in istifadəçi əlavələrinin öyrənilməsi ilə yanaşı biznes sənədlərinin (CV, anketlər, ərizələr və s.) tərtib edilməsi sahəsində tədris aparılır.

Axundovun sözlərinə görə, gələcəkdə Microsoft IT Academy layihəsi özəl universitetləri və məktəbləri əhatə edəcək.

Xəbər lenti

Xəbər lenti