...

Azərbaycanın internet-provayderi "IP-TV" xidmətini istismara verib

Telekommunikasiya Materials 2 Avqust 2010 14:41 (UTC +04:00)

Azərbaycan, Bakı, 2 avqust /Trend, müxbir Q.Vəliyev/

Azərbaycanın İnternet servis-provayder "Ultel" şirkəti "IP-TV" xidmətini istismara verib. Bu barədə şirkətin məlumatında deyilir.

Bu günədək şirkət tərəfindən Rusiya, Türkiyə və yerli telekanallar daxil olmaqla, 71 kanal yayımlanır.

Xidmətin abonent qiyməti 10 manatdır. Qoşulmaq da bir o qədər xərcə başa gəlir.

Xidmətə qoşulmaq üçün "Set-Top-Box" abonent avadanlığı lazımdır.

Axın videonun tam işləməsi üçün 1 mbit/s buraxılış gücü lazımdır.

Şirkət bir paketdə internet və televiziyaya genişzolaqlı daxilolma imkanını birləşdirməklə, digər provayderlər üzərində rəqabət üstünlüyü əldə etməyə səy göstərir.

"IP-TV"nin əsas üstün cəhəti onun videoxidmətlərin interaktivliyindən və əlavə servislərin (Video on Demand (VoD), TVoIP, Time Shifted TV, Network Personal Video Recorder, Electronic Program Guide, Near Video on Demand) geniş yığımının olmasından ibarətdir. "İP" protokollarının imkanları həm videoxidmətləri, həm də interaktiv və inteqrasiya edilmiş xidmətləri təqdim etməyə imkan verir.

Axınlı videoya baxmaq üçün əlavə kodekləri quraşdırmadan çoxsaylı audio və video formatları təsvir edə bilən, özündə mediapleyer funksiyalarını cəmləşdirən "VideoLan" (VLC Media Player) utiliti lazımdır. "VLC Media Player" DVD və şifrələnməmiş axın videonu (IPTV) və internet-radionu təsvir edə bilir. Proqram axın audio/videonu kompüterə yaza da bilir. "VLC Media Player"in əsas fərqləndirici cəhəti onun resurslardan az istifadə etməsindədir.

Xəbər lenti

Xəbər lenti