...

Azərbaycan Təhsil Şəbəkəsinə ölkənin 18 şəhərinin təhsil müəssisələri qoşulub

Telekommunikasiya Materials 18 Avqust 2010 17:34 (UTC +04:00)

Azərbaycan, Bakı, 18 avqust /Trend, müxbir Q.Vəliyev/

Azərbaycan Təhsil Şəbəkəsinə (AZEDUNET) ölkənin 18 şəhərinin təhsil müəssisələri qoşulub. Bu barədə AZEDUNET təşkilatının məlumatında deyilir.

AZEDUNET təşkilatının direktoru Səməd Abbasovun sözlərinə görə, bu günə qədər şəbəkəyə ölkə üzrə 500-dən çox təhsil müəssisəsi qoşulub.

"300 təhsil müəssisəsi Bakı və Sumqayıt şəhərlərində, qalanları isə Azərbaycanın digər 16 şəhərində yerləşir. Hər bir təhsil müəssisəsində biz ilkin olaraq kompleks hazırlıq işləri həyata keçiririk. Buna bütün kompüter və proqram təminatının standartlaşdırılması aiddir. Daha sonra məktəbdə bütün kompüter siniflərini, direktorun otağını, müəllimlər otağını və kitabxananı birləşdirən lokal şəbəkəni quraşdırırıq. Bundan sonra isə qoşulmanı təmin edirik", - deyə S. Abbasov qeyd edib.

İlin sonunadək AZEDUNET şəbəkəsinə 500-dən çox təhsil müəssisəsinin qoşulması planlaşdırılıb. Bu müəssisələr 50-dən çox şəhər və şəhərətrafı qəsəbələri əhatə edəcək.

Xəbər lenti

Xəbər lenti