Azərbaycan, Bakı, 20 avqust /Trend, müxbir Q.Vəliyev/
İştirakçılarından biri Azərbaycanın olduğu Regional Rabitə Birliyinin (RRB) administrasiyası RRB üzv ölkələrin informasiya cəmiyyətinin - "İnformasiya cəmiyyətinin yaradılması bizim ümumi prioritetimizdir" yaradılmasında hazırlıq məsələsində əməkdaşlıq üzrə bəyannamə qəbul edib. Bu barədə RRB-in məlumatında deyilir.
MDB regionunun informasiya cəmiyyətinin yaradılması məsələsində strateji məqsədləri və vəzifələri müəyyən edən sənəd avqustun 17-də Moskvada keçirilən işçi qrupunun ikinci iclası çərçivəsində qəbul edilib.
Azərbaycanı iclasda Rabitə və İnformasiya Texnologiyaları Nazirliyi təmsil edib.
İclas çərçivəsində RRB iştirakçı ölkələrində İKT-nin inkişaf göstəricilərinin indiki vəziyyətinin təhlili üzrə məruzələr təqdim edilib.
İclas iştirakçıları rabitə iqtisadiyyatı komissiyası ilə birlikdə hazırlanan regional monitorinqin keçirilmə layihəsini bəyəniblər. Bu, informasiya cəmiyyətinin vəziyyətini və inkişaf perspektivini dəqiq formalaşdırmağa imkan verəcək.
Avqustun 17-18-də Moskvada RRB-in informasiyalaşdırma üzrə komissiyasının 24-cü iclası da keçirilib. İclasda MDM iştirakçısı olan ölkələrin informasiyalaşdırma və 2015-ci ilədək onun həyatakeçirilmə planı sahəsində əməkdaşlıq strategiyasına əlavə və dəyişikliklərin edilməsi layihəsi müzakirə olunub.
Əlavə və dəyişikliklər layihəsi komissiya üzvlərinin irad və təkliflər nəzərə alınmaqla, koordinasiya şurasının sentyabrın 28-də Kişinyovda keçiriləcək növbəti iclasında təqdim ediləcək.