Azərbaycan, Bakı, 28 sentyabr /Trend, müxbir H.Vəliyev/
ARDNŞ rentgen difraktometriyasından istifadə etməklə tətbiqi və fundamental tədqiqatların aparılması imkanlarını nəzərdən keçirir. Bu barədə Trend-ə çərşənbə axşamı "Bruker" şirkətinin satış üzrə meneceri Vasili Pribora deyib.
Onun sözlərinə görə, müəssisə laboratoriyaların texniki təchizatı üzrə işlər aparır və ARDNŞ neft-qaz sənayesində tədqiqatların aparılması üçün yüksək texnologiyalı avadanlıq qismində "Bruker" şirkətinin qərarlarına maraq göstərir.
"Biz Azərbaycan müəssisələri ilə kifayət qədər, çoxdan əməkdaşlıq edirik. Bizim texnikadan indi "Azbentonit" zavodu istifadə edir. Bentonit və sementin keyfiyyətinin yoxlanılması üçün bu müəssisə difraktometrdən istifadə edir. Onun tətbiqi sementin keyfiyyətini bilavasitə istehsalatda yoxlamağa və enerji resurslarını qənaət etməyə imkan verir ki, bu da qurğunun öz xərcini çıxartmasına bilavasitə təsir göstərir", - Pribora deyib.
Onun sözlərinə görə, son illər "Bruker" şirkəti Azərbaycan Milli Elmlər Akademiyasının Fizika İnstitutu ilə də əməkdaşlıq etməyə başlayıb, Geologiya İnstitutu və Texniki Universitetlə əlaqələr qurulub.
Fizika İnstitutu artıq indi rentgen difraktometriyasından istifadə etməklə tədqiqatlar aparır. Bu məqsədlə İnstitut "Bruker D8" rentgen difraktometrini alıb. Qurğunun dəyəri 500 min avro təşkil edir.
Nəticələrin emalı üçün eksperimenti planlaşdırmağa və idarə etməyə imkan verən "Diffrac Plus" rentgen difraktometriyasının proqram təminatından istifadə olunur. "Diffrac Plus" proqram paketinə mürəkkəb çoxfazalı qatışıq və qatqıların, ikiölçülü və üçölçülü məlumatların eləcə də çoxkristallı materialların analizini aparmağa, məlumatları idarə və emal etməyə imkan verən "Search", "EVA", "Dquant" və "Topas" modulları daxildir.
Yaxın vaxtlarda analoji qurğunun AMEA-nın Geologiya İnstitutunda quraşdırılması planlaşdırılır.
