Azərbaycan, Bakı, 30 sentyabr /Trend, müxbir H.Vəliyev/
Azərbaycan Milli Elmlər Akademiyası Türkmənistanın Elmlər Akademiyası ilə planlar haqqında protokol imzalayıb. Bu barədə AMEA-nın Kibernetika İnstitutunun direktoru Telman Əliyev deyib.
Əliyevin sözlərinə görə, imzalanmış protokol iki ölkənin elm müəssisələrinin birgə elmi-tədqiqat işləri, konfrans və s. aparmaqda əməkdaşlığının əsası olacaq.
"Kibernetika İnstitutu seysmik monitorinq sisteminin tətbiqi üzrə Türkmənistan Seysmologiya İnstitutu ilə danışıqlar aparıb. Yeni nəslin nəzarət-monitorinq sistemini Türkmənistan Elmlər Akademiyasında nümayiş etdirmişik. Türkmənistan bu gün "Qum adası" yatağında istifadə olunmamış neft quyusunda tətbiq edilən anomal seysmik proseslərin monitorinq sisteminə maraq göstərib", - Əliyev deyib.
Quyuda eksperimental işlər davam etdirilir və Əliyevin sözlərinə görə, bu gün hansısa nəticədən danışmaq hələ tezdir.
Seysmofəallıq monitoriq sistemi Azərbaycan Fövqəladə Hallar Nazirliyi tərəfindən bəyənilib. Binaların inşasında monitorinq sisteminin tətbiqi gizli dövrdə (qaz axıntısı, elektrik xətlərində qapanma və s.) nöqsanları vaxtında aşkarlamaq və onların yaranma səbəbini müəyyən etməkdir.
Binalarda quraşdırılan qurğular mərkəzi monitorinq sisteminə yerli şəbəkə vasitəsilə məlumatı operativ şəkildə çatdırır və bundan sonra binanın texniki vəziyyəti analiz edilir. İnstitutun elmi işləri, həmçinin, bir neçə yaşayış və sənaye massivlərinin texniki vəziyyətini kompleks şəkildə təhlil etməyə imkan verir.
Bundan əvvəl, Əliyevin dediyi kimi, paytaxtda seysmik zonalar və qrunt suları səviyyəsinin artdığı zonalar var ki, onlar da sənaye və yaşayış obyektlərinin tikintisinə mənfi təsir göstərir. Bir neçə binanın texniki vəziyyəti, eyni zamanda, dəyişikliyə uğrayırsa, deməli bu, anomaliya və seysmiklikdən, xüsusilə də sürüşmələrin yaranmasından xəbər verir. Sistem qəza vəziyyətləri haqqında məlumat verməyə qadirdir ki, bu da əvvəlcədən onun qarşısını almağa imkan verir.
