Azərbaycan, Bakı, 18 oktyabr /Trend, müxbir H.Vəliyev/
"Microsoft Azerbaijan" şirkəti Azərbaycanın hüquq müdafiəçilər qrupu, müstəqil kütləvi informasiya vasitələri və qeyri-kommersiya təşkilatları üçün pulsuz lisenziyalaşdırma proqramını təqdim edəcək. Bu barədə Trend-ə bazar ertəsi şirkətdən bildiriblər.
Pulsuz lisenziyalaşdırma proqramınının əsas məqsədi yuxarıda göstərilən strukturların "Microsoft"un qərarlarının qeyri-qanuni istifadəsi bəhanəsinin qarşısının alınmasındakı maneələrin aradan qaldırılmasından ibarətdir.
İndiyədək pulsuz lisenziyalaşdırma proqramı üzrə şərtlər, eləcə də onun qüvvəyə minmə müddəti işlənib hazırlanmayıb. Lazımi sənədlərin lokallaşdırılmasına ehtiyac var.
Yeni pulsuz lisenziyalaşdırma proqramı Azərbaycanla yanaşı Rusiya, Belarus, Qazaxıstan, Qırğızıstan, Tacikistan, Türkmənistan, Özbəkistan, Çin, Malayziya, Vyetnamda da tətbiq ediləcək.
"Microsoft"un proqram təminatına pulsuz lisenziyalaşdırma proqramının tətbiqi ilə bağlı qərarı "The New York Times"da pirat proqram təminatına təzyiq göstərmək üçün səbəb kimi istfadə edilməsi haqqında material dərc edildikdən sonra qəbul edilib.
Materialda hakimiyyətə sərf etməyən qeyri-hökumət təşkilatlarından kompüterlərin müsadirə edilməsi və onların əsasında pirat proqram təminatının instalyasiya edilməsi nümunə kimi göstərilir.
"Microsoft" Korporasiyası bundan əvvəl də qeyri-hökumət təşkialtları üçün proqram təminatına pulsuz lisenziyalaşdırma təqdim edib. Bu günədək korporasiya tərəfindən proqram həllərinə pulsuz lisenziyalar müxtəlıif ölkələrdə 42 min təşkilata verilib. Bu, pula çevirdikdə 390 milyon dollar təşkil edir.