Azərbaycan, Bakı, 27 oktyabr /Trend, müxbir H.Vəliyev/
Azərbaycanın İT şirkəti "SINAM", Əfqanıstan pensiya sisteminin informasiyalaşdırılması üzrə tenderdə iştirak edir. Əfqanıstan Əmək və Sosial Münasibətlər Nazirliyi tərəfindən təşkil olunmuş beynəlxalq tenderdə Azərbaycanın "SINAM" şirkəti ilə yanaşı, "Abacusconsulting" (Pakistan), "Business Analytics" (BƏƏ), "Grail Consulting Services"(Hindistan), "AIMS" (Əfqanıstan) şirkətləri də iştirak edirlər.
"SINAM" şirkəti tərəfindən Azərbaycanda Əhalinin Sosial Müdafiəsi üzrə Dövlət Komitəsi üçün informasiya sisteminin işlənib-hazırlanması və tətbiqi üzrə işlər həyata keçirilib.
