Azərbaycan, Bakı, 21 yanvar /Trend, müxbir H.Vəliyev/
Rusiyada QIWI Ltd. (ani ödəmələr sistemi) Azərbaycanda nümayəndəliyini açmağı planlaşdırır. Bu barədə Trend- ə QIWI-nin PR meneceri Yuliya Mansurova deyib.
Mansurovanın sözlərinə görə, SMART terminallarda (sayğaclar) təbii qazın istifadəsinə görə ödəmə sisteminin təşkili üçün Azərbaycan bazarında şirkət tərəfindən "turnkey" (avadanlıq dəsti və proqram təminatı) hazır qərarı işlənib və təqdim olunub.
"Azərbaycan bazarı bizim üçün çox cəlbedicidir. Qiymətləndirmələrimizə görə, ölkədə QIWI terminalları vasitəsilə mallar və xidmətlərin cəld və rahat ödəmə servisinə ehtiyac olacaq. 2011-ci ildə Azərbaycan bazarına çıxmağa hazırlaşırıq. Ümid edirik ki, çıxışımızla ölkədə yeni rahat ödəmə servisi yaranacaq, yeni iş yerləri açılacaq və kiçik biznesin inkişafı üçün yeni təkan veriləcək. Və, təbii ki, fəaliyyətimizin ilk dövrlərindən etibarən Azərbaycan ərazisində bir çox layihələrin iştirakçısı olacağıq, belə ki, artıq bu gün bu layihələrdə yüksək potensial görürük", - Mansurova deyib.
QIWI Ltd. Avrasiya, Afrika və Latın Amerikasının ərazisində 15 ölkədə ani ödəmələr bazarını inkişaf etdirir. Holdinqin tərkibinə Ani ödəmələr sistemi birliyi QSC, QIWI pul kisəsi elektron pullar, "birinci prosessinq" bankı, "QIWI reklamı" reklam sistemi, "PAY Kiosk" ödəmə terminalları üçün xəzinə texnikası istehsalçısı, Lotoİnteqrator terminallarında lotereya təşkilatçısı daxildir. Holdinq 2007-ci ilin iyulunda təsis olunub. Təsisatçılar "Mail.ru Group" fondu (əvvəlki adı - Digital Sky Technologies) və AÖSB şirkətinin menecmenti və e-port-dur.
