Azərbaycan, Bakı, 4 fevral /Trend, müxbir H.Vəliyev/
"At-Large" proqramı domen adların qeydiyyatı məsələsinin nizamlanması üzrə sənəd hazırlayır. Bu barədə Trend-ə cümə günü İnformasiya Problemləri üzrə Tədqiqat Mərkəzinin rəhbəri Yaşar Hacıyev deyib.
Hacıyevin sözlərinə görə, yekun sənəd baxılmaq üçün ICANN İnternet şəbəkəsində domen adların mənimsənilməsi üzrə beynəlxalq təşkilata təqdim olunacaq.
"Sənəddə domen adların verilməsinin nizamlanması məsələləri üzrə "At-Large" proqramının üzvlərinin rəyləri əks olunacaq, təəssüf ki, adlarla bağlı hər şey aydın deyil. Sənəd hələ Asiya və Avropa regionu ölkələrinin cəlb olunduğu müzakirə mərhələsindədir",- Hacıyev deyib.
Sənədin mart ayında San-Fransiskoda keçiriləcək və gözlənildiyi kimi, Azərbaycanın "At-Large" proqramının da iştirak edəcəyi konfrans çərçivəsində ICANN-a təqdim olunacağı gözlənilir. "At-Large" milli təşəbbüsü iyun ayında İordaniyada keçiriləcək ikinci ICANN konfransı çərçivəsində Azərbaycan İnternet-ictimaiyyətinin maraqlarını əks etdirəcək.
Mərkəz 2010-cu ilin oktyabr ayında Azərbaycanda "At-Large" proqramının reallaşması üçün ICANN-ın rəsmi icazəsini alıb.
Layihənin gerçəkləşməsi Azərbaycanda əsas istifadəçilərə ICANN-da bilavasitə iştirak etmək, domen adlar və İnternet ünvanları sisteminin formalaşmasına öz təhfəsini vermək, özəl İnternet-sektorun fəaliyyətini əlaqələndirən texniki şuranın direktorlarının onlayn seçimlərində iştirak etməyə imkan verəcək.
"At-Large" proqramının əsas məqsədi İnternet mühitində yaranan problemlərin sonrakı həlli üçün ICANN-a lazımi məlumatları çatdırmaqdan ibarətdir.
"At-Large Azerbaijan" ICANN-ın təşkil etdiyi illik forumlarda veriləcək müvafiq qərarların qəbul olunacağı yerli forumlar keçirmək imkanı qazanacaq.
"At Large"ın üzvləri ICANN-ın fəaliyyəti və İnternet siyasəti sahəsində təşəbbüslər haqqında müntəzəm olaraq xəbərlər alacaqlar.
"At-Large" proqramı bilavasitə bir ölkə ilə İnternet-məkanın əlaqələndirilməsi ilə bağlı vəziyyəti düzəltməyə də yönəldilib. ICANN seçkilər prosedurunu mümkün qədər demokratik keçirməyə səy göstərib və təşkilat nümayəndələrini proqramda qeydiyyatdan keçmiş İnternet istifadəçilərinin özləri seçəcəklər.
