Azərbaycan, Bakı, 17 mart /Trend, müxbir H.Vəliyev/
İlin sonunadək Rusiyanın "Mobil TeleSistemlər" (MTS) şirkəti Azərbaycan istiqamətində optik-lif magistral xətti tikəcək. Bu barədə cümə axşamı şirkətin məlumatında deyilir.
Trend-in məlumatına görə, şirkət Dərbənd-Quba keçidində birləşdiriləcək kabel magistralının çəkilişini həyata keçirmək fikrindədir. İşlər şirkətin şəbəkənin cənub istiqamətində inkişafı üzrə planına əsasən həyata keçiriləcək.
Bu gün MTS-in şəbəkəsinin uzunluğu 100 min kilometrə çatır. Şirkətin gələcək planlarına magistral kanallar bazarında və 10 faizi daxili tələbatın payına düşən İP-tranzitin 20 faizədək artırılması daxildir.
Bu gün Rusiyanın "Meqafon" şirkətinin Azərbaycanın "Azərtelekom" şirkəti ilə birgə reallaşdırdığı Azərbaycan istiqamətində optik-lif xəttin (ilkin buraxılış qabiliyyəti 10 Gbit/s) tikintisi üzrə işlər tamamlanma mərhələsindədir. Azərbaycan və Rusiyanın milli operatorlarının telekommunikasiya infrastrukturunu birləşdirən optik-lif magistralının Rusiya seqmenti ikinci rübün əvvəlində hazır olacaq.
Bir az əvvəl Azərbaycan Rabitə və İnformasiya Texnologiyaları Nazirliyinin Beynəlxalq əlaqələr və Hesablaşma Mərkəzinin direktoru Cəlil Cəfərov Trend-ə bildirib ki, bu layihə üzrə kabel magistralının Azərbaycan seqmentinin tikintisi tam başa çatıb və gələcəkdə onun inkişafı "Meqafon"un qərarından asılıdır.
