Azərbaycan, Bakı, 28 mart /Trend, müxbir H.Vəliyev/
Bakıda informasiya təhlükəsizliyi sisteminin qurulmasının aktual məsələlələri nəzərdən keçiriləcək. Bu barədə bazar ertəsi "Headtechnology Azerbaijan" şirkətindən verilən məlumatda deyilir.
Məsələlərə aprelin 7-də "İnformasiya təhlükəsizliyinə kompleks yanaşma" mövzusunda keçiriləcək "Softline" tərəfdaşlıq seminarı çərçivəsində baxılacaq.
Seminar İT departamentlərinin texniki direktorları, təhlükəlükəsizlik şöbələrinin rəhbərləri, şəbəkənin effektiv müdafiəsinin qurulmasında maraqlı olan təhlükəsizlik mütəxəssisləri üçün nəzərdə tutulub.
Seminar çərçivəsində yekun nöqtələr təhlükəsizliyinə (Endpoint Security) kompleks yanaşma, əməkdaşların fəaliyyətinin hərtəfli monitorinqinin təmin olunması (User Monitoring), eləcə də Azərbaycanın informasiya təhlükəsizliyi bazarının yeniliklərinin icmalı (Security Innovations) məsələlərinə baxılacaq.
"Endpoint Security" bölməsi antivirus həllərə, əlavələrin (proqramların) və çıxarılan daşıyıcıların nəzarət həllərinə, İT risklərin idarə olunması və təhlükəsizlik siyasəti və standartlara uyğunluğun yoxlanılmasına həsr olunacaq. Seminarın "User Monitoring" bölməsi virtual mühitdəki (e-mail, çatlar, ani məlumat, Veb-saytlardan istifadə, online-axtarış sorğuları, basılan klavişlər və istifadə olunan proqramlar) sui-istifadələrdən xəbərdarlıq və insidentlərin araşdırılması mexanizmlərinə baxılmağa həsr ediləcək.
"Security Innovations" bölməsində SIEM (Security Information and Event Manager) həlləri və korporativ təhlükəsizlik sistemində menecment loqu, eləcə də çıxış üzrə istifadəçi və qrup hüquqlarının idarə olunmasına innovativ yanaşmanın, saxlandığı yaxud yerləşdiyi yerdən asılı olmayaraq, məlumatların məxfiliyinin qorunmasına zəmanətin təqdimatı keçiriləcək.
"Lumension" şirkətinin Şərqi Avropa və Skandinaviya üzrə direktoru Tomas Vendrix seminarın xüsusi qonağı olacaq.
