Azərbaycan, Bakı, 4 aprel /Trend, müxbir H.Vəliyev/
Azərbaycan MDB ölkələrində rouminq tariflərinin tənzimlənməsi imkanları barədə təklifin müzakirəsində iştirak edəcək. Bu barədə bazar ertəsi Trend-ə Rabitə və İnformasiya Texnologiyaları Nazirliyindən məlumat verilib.
Məsələ aprelin 6-7-də Türkmənistanda keçiriləcək Regional Rabitə Birliyi (RRB) təşkilatının Rabitə Operatorları Şurası və RRB-nin Elektrorabitə Komissiyasının 27/23-cü birgə iclasları çərçivəsində müzakirə olunacaq.
İclasın işində Azərbaycanı "Aztelekom" İstehsalat Birliyi təmsil edəcək.
Rouminq tariflərinin imkan daxilində azaldılması məsələsi Regional Rabitə Birliyinin diqqət mərkəzindədir. Qrup Birlik çərçivəsində mobil rabitə operatorları tərəfindən təqdim edilən rouminq xidmətlərinin tariflərinin azaldılması üzrə birbaşa danışıqılar aparır. RRB MDB ölkələri kimi, Baltik və Şərqi Avropa ölkələrini də birləşdirir. Belə təşkilatlar çərçivəsində rouminq xidmətlərinin tariflərinin azaldılması üzrə qərar öz səmərəsini verə bilər. Çünki RRB tərkibinə daxil olan administrasiyalar mobil rabitə operatorlarına təsir rıçaqlarına malikdirlər.
Rabitə operatorları Şurası və RRB-nin Elektrorabitə Komissiyası iclaslarının iştirakçıları yeni elektrorabitə xidmətlərinin hazırlanması və tətbiqi, operatorlar və İnternet istifadəçiləri arasında əlaqələrin təcrübəsi, rəqəmsal yayım şəbəkəsinin əsas inkişaf istiqamətləri, RRB-nin rabitə administrasiyalarının 2012-ci ildə Ümumdünya Elektorrabitə Konfransına və 2012-ci ildə Elektrorabitənin standartlaşdırıılması üzrə Ümumdünya Assambleyasına hazırlıqları və s. müzakirə edəcəklər.
