Azərbaycan, Bakı, 29 iyun /Trend, müxbir H.Vəliyev/
Azərbaycanın İT bazarı ilin birinci yarısında xeyli artım tempi nümayiş etdirib. Bu barədə çərşənbə günü Trend-ə "Ultra" şirkətinin binesin inteqrasiyası və inkişafı üzrə direktoru Məhəmməd Zülfüqarlı deyib.
Onun fikrincə, artım təxminən 20-25 faiz olub və bu trend ilin sonunadək qalacaq.
"Əhəmiyyətli artımı bazarın həm korporativ, həm də istehlak seqmentləri göstərib. Bilavasitə kompüterlərin satışına gəldikdə, bu seqmentdə istehlakçılar masaüstü sistemlərdən daha çox portativ qurğuların alınmasına meyillidirlər. Bu gün şirkətimizin satış strukturunda portativ kompüterlərin masaüstü sistemlərə satış nisbəti müvafiq olaraq 65 və 35 faiz təşkil edir", - Zülfüqarlı qeyd edib.
Ötən ilin göstəriciləri ilə müqayisədə portativ qurğular seqmentində istehlak təxminən 15 faiz artıb və Zülfüqarlının hesab etdiyinə görə, bu göstərici sonrakı illərdə azalmayacaq.
"Ultra" şirkəti portativ kompüterlərin yeganə lokal istehsalçısıdır. O, bu seqmentdə "Nexus" ticarət markası ilə təmsil olunub.
Əvvəllər yüksək rəqabət səbəbindən dünya vendorları tərəfindən Computex və AZEL (ticarət markaları NEXT və Lazer) kimi yerli portativ kompüter istehsalçıları portativ kompüterlərin sitehsalı üzrə biznesi dayandırıblar.
Bunda daha çox rolu bazara iri dünya vendorlarının ucuz məhsullarının (qiyməti 400 manatdan aşağı olan noutbuklar) daxil olması oynayıb. Əvvəllər burada yerli istehsalçıların mövqeyi möhkəm olub. Noutbukların yığılması ilə məşğul olan Azərbaycan şirkətləri dünya istehsalçıları ilə rəqabət aparmaq xeyli çətinləşdi. Vendorların məşhur brendləri, bazarı əhatə etmək və bahalı maketinq aksiyalarının keçirilməsi üçün daha çox imkanları var.
Azərbaycanın İT bazarının iştirakçılarının fikrincə, bazarın ələ alınmasında böyük rolu satış kanallarının seçilməsi oynayıb. Dünya istehsalçıları geniş diler şəbəkələrinə malik Azərbaycan distribüterlərinə üstünlük verməyə başladılar. Texnikadan başı çıxan alıcılar az məşhur olan brendlərə tənqidi yanaşırlar. Bu, dünyaca məşhur olan və yerli brend arasında seçim edən zaman mühüm rol oynayır.
