Azərbaycan, Bakı, 5 avqust /Trend, müxbir H.Vəliyev/
Azərbaycanın mobil rabitə operatoru "Bakcell" MMC CİN abonentlərinə mobil rabitə üçün ödənişi bankomatlarla etmək imkanını təqdim edib. Bu barədə Trend-ə cümə günü şirkətdən məlumat verilib.
Ödəniş onlayn rejimdə AzeriCard prosessinq mərkəzi şəbəkəsinin xidmət göstərdiyi bankların plastik kartları ilə edilir.
Abonent öz balansına istədiyi məbləği yükləyə bilər.
Abonentin balansına pul məbləği yüklənən zaman mövcud danışıq skretç-kartlar prinsipi tətbiq edilir. Belə ki, abonentin balansına yüklənən 1,99 manatın istifadə müddəti 10 gün, 2 manatdan 5,99 manatadək 30 gün, 6 manatdan 9,99 manatadək və 10 manatdan 19,99 manatadək 150 gün təşkil edir.
Balansa məbləği yükləmək üçün abonent telefon nömrəsini və balansına köçürmək istədiyi məbləği göstərir. Bu əməliyyat edildikdən sonra məbləğ balansa yüklənilir və abonent bu barədə SMS-bildiriş alır.
