...

Bakıda "Eurovision-2012" müsabiqəsində multimediyalı taksofonlar meydana çıxacaq

Telekommunikasiya Materials 13 Oktyabr 2011 11:48

Trend-i buradan izləyin

Azərbaycan, Bakı, 13 oktyabr /Trend, müxbir H.Vəliyev/

Bakıda "Eurovision-2012" mahnı müsabiqəsində 100-ə yaxın multimediyalı taksofon quraşdırılacaq. Bu barədə Trend-ə cümə axşamı Azərbaycanın Rabitə və İnfofrmasiya Texnologiyaları Nazirliyinin "Bakı Telefon Rabitəsi" İstehsalat Birliyinin baş direktoru Beytulla Hüseynov məlumat verib.

Hüseynovun sözlərinə görə, bu qurğuların üstünlüklərindən biri təqdim olunan səs rabitəsi ilə yanaşı, məlumat xidmətlərinin göstərilməsi imkanıdır. Məsələn, orada Azərbaycan haqqında məlumat yerləşdirmək planlaşdırılır.

"Terminallar Bakının mərkəzi küçələrində, adamların gur toplaşdıqları, əsasən "Eurovision-2012" mahnı müsabiqəsin keçirildiyi yerə yaxın ərazidə yerləşdiriləcək", - Hüseynov deyib.

Multimediyalı taksofon prinsip etibarilə özündə taksofon və kompyuter funksiyalarını birləşdirən yeni aparatdır. Adi telefon xidmətləri ilə yanaşı, qurğu internet şəbəkəsinə çıxış əldə etməyə, elektron məktub göndərməyə, reklam videoçarxlarına baxmağa və s. imkan verir.

Universal taksofonlar sutkanın istənilən vaxtında yerli, şəhərlərarası və beynəlxalq rabitəni təmin edir. Təcili əlaqə və servis telefon xidmətlərinə çıxış pulsuzdur.

Hazırda "Bakı Telefon Rabitəsi"nin taksofon parkı 1200 taksofondan ibarətdir, onlardan 200 ədədə yaxını yeni tip (GSM və CDMA taksofonları ödənişi həm pul, həm də ödəniş kartlarının köməyi ilə qəbul edir) qurğulardır.

Xəbər lenti

Xəbər lenti