Azərbaycan, Bakı, 1 noyabr /Trend, müxbir H.Vəliyev/
Azərbaycanda internetin nüfuzetmə səviyyəsi 60 faiz artıb. Trend-in məlumatına görə, bu barədə çərşənbə axşamı jurnalistlərə rabitə və informasiya texnologiyaları nazirinin müavini İltimas Məmmədov bildirib.
Onun sözlərinə görə, hazırda istifadəçilərin təxminən 50 faizi genişzolaqlı internetlə təmin olunub. Nazir müavini hesab edir ki, ilin sonunadək bu göstərici daha 30 faiz artacaq.
Məmmədovun sözlərinə görə, bu, NGN, 3G texnologiyalarının geniş şəkildə tətbiqi, operatorların telekommunikasiya qovşaqlarında avadanlıqların genişlənməsi hesabına mümkün olub.
Nazir müavini deyib ki, genişzolaqlı internetin inkişafı üzrə işlər çərçivəsində 2013-cü ilin sonunadək optik-lif xətləri ilə Bakının ərazisinin, 2015-ci ilədək isə bütün regionların əhatə edilməsi planlaşdırılır.
