...

Apreldə Azərbaycanın poçt şöbələrində internet-köşklərdən istifadə mümkün olacaq

Telekommunikasiya Materials 9 Fevral 2012 19:20 (UTC +04:00)

Azərbaycan, Bakı, 9 fevral /Trend, müxbir H.Vəliyev/

Regional poçt şöbələrində quraşdırılacaq internet-köşklərdən ibarət partiya martın 20-dək çatdırılacaq. Bu barədə cümə axşamı Trend-ə IREX şirkətinin hüquqşünası Ələsgər Məmmədli bildirib.

Layihə USAID-in qrantı hesabına həyata keçirilir.

Məmmədlinin sözlərinə görə, köşklərin təchizatçısı qismində Azərbaycanın İT şirkəti çıxış edir. Köşklər artıq apreldə ümumi istifadə üçün açıq olacaq.

Layihə Azərbaycan Rabitə və İnformasiya Texnologiyaları Nazirliyi və Azərbaycanın poçt rabitə operatoru "Azərpoçt" MMC-nin dəstəyi ilə həyata keçirilir.

Layihəyə əsasən, internet-köşklər əsasən əhalinin sayı çox və bunun üçün münasib infrastrukturun mövcud olduğu rayon mərkəzləri, kənd və qəsəbələrdə yerləşən "Azərpoçt"un 30 poçt şöbəsində quraşdırılacaq.

İnternet-köşklərin respublikanın rayonlarında quraşdırılmasında əsas məqsəd əhali üçün informasiyaya çıxışı təmin etməkdir ki, vətəndaşlar onlayn-ödənişlər edə, dövlət qurumlarına elektron formada müraciət edə, mövcud problemlərlə bağlı ərizə və şikayətlər verə bilsinlər.

Xəbər lenti

Xəbər lenti