...

Azərbaycan poçtu kredit ödənişinin qəbulu üzrə agent qismində çıxış edəcək

Telekommunikasiya Materials 26 Aprel 2012 17:44 (UTC +04:00)

Azərbaycan, Bakı, 26 aprel /Trend, müxbir H.Vəliyev/

Azərbaycanın poçt operatoru "Azərpoçt" MMC kreditlərin ödənilməsinin qəbulu məqsədilə xidmətlərin təşkili üzrə Azərbaycan bankları ilə danışıqlar aparır. Trend-in məlumatına görə, bu barədə cümə axşamı jurnalistlərə Azərbaycan Rabitə və İnformasiya Texnologiyaları Nazirliyinin poçt şöbəsinin müdiri, Regional Rabitə Birliyinin poçt rabitəsi üzrə komissiyasının rəhbəri Novruz Məmmədov bildirib.

Onun sözlərinə görə, layihə danışıqlar mərhələsindədir. Əsasən, bu xidmətin poçt rabitəsinin şəbəkəsində işə salınması üçün rentabellik məsələsi nəzərdən keçirilir.

"Azərpoçt" öz şəbəkəsində bu xidmətin işə salınmasına hazırdır. Poçt operatoru tərəfindən göstərilən bu xidmətə görə hələlik komissiya haqları müəyyənləşdirilməyib. Əgər faiz dərəcəsi iki faizdən az olacaqsa, xidmət rentabelli olmayacaq. Məsələn, bu göstərici Qazaxıstan və Türkiyədə 3-5 faiz təşkil edir", - Məmmədov qeyd edib.

Xəbər lenti

Xəbər lenti