Azərbaycan, Bakı, 19 sentyabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Teleradio" İstehsalat Birliyi (İB) "Aztelekom" və "Bakı Telefon Rabitəsi" dövlət rabitə operatorlarının şəbəkəsində IP-TV formatında siqnalların ötürülməsinə başlayıb. Bu barədə çərşənbə günü Trend-ə İB-dən bildiriblər.
Operatorların şəbəkəsində ötürücü telekanalların sayı 100 ədəddir ki, bu da Bakıda İB tərəfindən quraşdırılan baza stansiyasının buraxılış qabiliyyətinin müasirləşdirilməsi sayəsində mümkün olub.
Daha əvvəl Azərbaycanın dövlət rabitə operatorları IP-TV şəbəkəsində yenidən translyasiya üçün populyar televiziya kanallarının siyahısını "Teleradio"ya təqdim etmişdi.
"Teleradio" operator şəbəkələrində yenidən translyasiyaya görə rəsmi hüquqların əldə edilməsi üçün bu kanalların sahibləri ilə artıq danışıqlara başlayıb.
Operator şəbəkələrində "Video on Demand" (sifariş üzrə video), interaktiv televiziya, HD formatında kanalların yayımlanması və s. mümkün olacaq.
