Azərbaycan, Bakı, 5 noyabr /Trend, müxbir H.Vəliyev/
Yaxın günlərdə Azərbaycanın ikinci peykinin tikintisi və buraxılmasına dair əvvəllər elan edilən tenderin nəticələri məlum olacaq. Trend-in məlumatına görə, bu barədə bazar ertəsi jurnalistlərə rabitə və informasiya texnologiyaları nazirinin müavini İltimas Məmmədov deyib.
2015-ci ildə orbitə çıxarılması planlaşdırılan ikinci peyk aşağıorbitlı olacaq və kartoqrafik işlər, geoloji tədqiqatlar və s. zamanı Yerin məsafədən zondlanması üçün istifadə ediləcək.
"Hazırda mütəxəssislər "Tender haqqında" qanuna uyğun olaraq təklifləri müzakirə edir və qiymətləndirir", - Məmmədov qeyd edib.
