...

Azərbaycanda əhalinin telekommunikasiya xidmətləri ilə təmini üzrə layihənin müzakirəsi keçirilib

Telekommunikasiya Materials 14 Fevral 2013 15:39 (UTC +04:00)
Rabitə və İnformasiya Texnologiyaları Nazirliyində 11 fevral 2013-cü il tarixində Azərbaycan Respublikası Dövlət Neft Fondunun, “Booz&Co” məsləhətçi şirkətinin və aidiyyəti rabitə birlik və müəssisələrin rəhbərllərinin iştirakı ilə Bakı şəhərində, respublikanın digər bölgələrində və Naxçıvan MR ərazisində əhalinin genişzolaqlı internet və digər müasir telekommunikasiya xidmətləri ilə təmin edilməsi məqsədilə hazırlanmış layihənin müzakirəsi keçirilmişdir.
Azərbaycanda əhalinin telekommunikasiya xidmətləri ilə təmini üzrə layihənin müzakirəsi keçirilib

Azərbaycan, Bakı, 14 fevral /Trend, müxbir H.Vəliyev/

Rabitə və İnformasiya Texnologiyaları Nazirliyində 11 fevral 2013-cü il tarixində Azərbaycan Respublikası Dövlət Neft Fondunun, "Booz&Co" məsləhətçi şirkətinin və aidiyyəti rabitə birlik və müəssisələrin rəhbərllərinin iştirakı ilə Bakı şəhərində, respublikanın digər bölgələrində və Naxçıvan MR ərazisində əhalinin genişzolaqlı internet və digər müasir telekommunikasiya xidmətləri ilə təmin edilməsi məqsədilə hazırlanmış layihənin müzakirəsi keçirilmişdir.

Layihədə 2013-2015-ci illərdə və sonrakı dövrdə "Hər evə optika" prinsipi üzrə yüksəksürətli və keyfiyyətli genişzolaqlı internet xidmətlərinin təşkili üçün telekommunikasiya şəbəkəsinin müxtəlif istiqamətlərinə, ucqar yaşayış məntəqələrinə və magistral şəbəkədə ATS-dən iki km-dən çox məsafədə yerləşən telefon şkaflarına fiber-optik kabel xətlərinin çəkilişi, kommutasiya və transmissiya qurğularının yeni xidmətlərə uyğun modernləşdirilməsi, telefonlaşdırılmamış yaşayış massivlərinin, çoxmərtəbəli binaların, qismən telefonlaşdırılmış yaşayış məntəqələrinin ən yeni texnologiyalarınn tətbiqi ilə telefonlaşdırılması, yeni ATS binalarının tikintisi, struktur və tarif islahatlarının həyata keçirilməsi, tənzimləmənin təkmilləşdirilməsi və digər məsələlər öz əksini tapmışdır.

Müzakirədə Rabitə və informasiya texnologiyaları naziri cənab Ə.Abbasov layihə çərçivəsində 2015-ci ilə qədər və sonrakı dövrdə Bakı şəhərində 100 mb/s, digər iri şəhərlər və rayon mərkəzlərində 30 mb/s, qəsəbə və kənd yerlərində 10 mb/s və daha çox sürətli genişzolaqlı internetlə əhalinin təmin ediləcəyini, layihənin effektiv həyata keçirilməsi və müəyyən edilmiş hədəflərə nail olunması üçün müvafiq islahatların aparılmasının zəruriliyini vurğuladı.

Müzakirədə Dövlət Neft Fondunun icraçı direktorunun müavini cənab İsrafil Məmmədov çıxış edərək layihənin həyata keçirilməsinin əhəmiyyətini qeyd etdi.

"Booz&Co" məsələhətci şirkətinin layihənin texniki, kommersiya, əməliyyat, tənzimləmə modelləri üzrə müzakirəyə təqdim etdiyi məlumat dinlənildi və iclas iştirakçılarının məlumata dair rəy və təkliflərinin nəzərə alınması vacib sayıldı.

2013-cü ildə layihənin birinci mərhələsinin maliyyələşdirilməsi üçün Dövlət Neft Fondu tərəfindən 103,6 milyon manat vəsaitin ayrılmasının nəzərdə tutulduğu və yaxın günlərdə layihənin maliyyələşdirilməsinə və tədbirlərin icrasına başlanılacağı qeyd edildi.

Layihənin Elektron hökumət həllərinin regionlarda tətbiqinin genişləndirilməsi, şəhər və kəndlər arasında rəqəmli fərqin aradan qaldırılması, sektorun sağlamlaşdırılması və İSP-lərin səmərəli fəaliyyəti üçün münbit şəraitin yaradılması üzrə əhəmiyyəti rolu xüsusi vurğulandı.

Genişzolaqlı internet xidmətlərinin "Hər evə optika" prinsipi əsasında inkişaf etmiş ölkələrin göstəricilərinə yaxılnlaşdırılması istiqamətində zəruri tədbirlərin həyata keçirilməsinin əhəmiyyəti vacib sayılmışdır.

Məqalədə:
Xəbər lenti

Xəbər lenti