Azərbaycan, Bakı, 12 mart /Trend, müxbir H.Vəliyev/
Azərbaycanın mobil rabirə operatoru "Azercell Telekom" MMC "Azərbaycan Hava Yolları" (AZAL) aviaşirkətinin təyyarələrinin göyərtəsində mobil rabitə xidmətlərinin göstərilməsi imkanını nəzərdən keçirir. Bu barədə Trend-ə çərşənbə axşamım MMC-nin rəhbəri Kirill Qaburiç bildirib.
Onun sözlərinə görə, bu məsələ ilə bağlı AZAL aviaşirkəti ilə danışıqların aparılması planlaşdırılır. Qaburiç deyib ki, xidmətin tədbiqi danışıqlar prosesinin müvəffəqiyyətlə yekunlaşmasından asılı olacaq. Ona görə də məhz Azercell Telekom-a məxsus rabitə xidmətlərinin "Azərbaycan Hava Yolları"nın təyyarələrində nə vaxtdan istifadəyə veriləcəyi barədə danışmaq hələ tezdir.
"Vəziyyət danışıqların başlamasından sonra aydınlaşacaq", - Qaburiç bildirib.