Azərbaycan, Bakı, 30 avqust /Trend, müxbir E.Əliyev/
"Azərsu" Açıq Səhmdar Cəmiyyəti ilə "Azərikard" prosessinq mərkəzi arasında əməkdaşlıq daha da genişlənir. Bu barədə ASC-dən Trend-ə daxil olan məlumatda bildirilir.
Belə ki, "Azərsu" ASC-nin onlayn-ödəmələr sisteminə qoşulması üzrə bütün işlər müvəffəqiyyətlə başa çatıb. Artıq istər əhali, istərsə də qeyri-əhali abunəçiləri "Azərsu" ASC-nin rəsmi internet səhifəsinin (www.azersu.az) "Online ödəniş" bölməsinə daxil olub pastik kartlardan istifadə etməklə su təchizatı və kanalizasiya xidmətlərinə görə yaranmış borclarını ödəyə bilərlər.
Qeyd edək ki, "Azərsu" ASC-nin rəsmi internet səhifəsinin (www.azersu.az) "Online ödəniş" bölməsindən KÖMİS və GoldenPay ödəniş sistemlərinin xidmətlərindən də istifadə etmək mümkündür.