Azərbaycan, Bakı, 25 aprel /Trend, Hüseyn Vəliyev/
Rusiyanın "BPS" şirkəti Azərbaycana milli ödəniş sistemi yaratmağı təklif edir.
Bunu Trend-ə şirkətin baş direktoru Vasili Qriqoryev deyib.
Onun sözlərinə görə, milli miqyasda əhəmiyyət daşıyan bu layihənin reallaşdırılması dövlət tərəfindən göstərilən dəstəkdən asılı olacaq.
V.Qriqoryev qeyd edib ki, post-sovet ölkələri ərazilərində bu cür layihələr artıq inkişaf edir və ən son nümunə Rusiyanın təcrübəsidir.
"Biz Azərbaycanda layihə gerçəkləşdirməyə hazırıq. Son iki ildə milli svitç-sistemlərin quraşdırılması ilə bağlı 15 layihə həyata keçirmişik. Demək olar ki, Dünya Bankının bu layihələrlə bağlı bütün tenderlərini biz qazanmışıq və hazırda Azərbaycanda da tətbiq etmək üçün böyük təcrübəmiz var".
Şirkət rəhbərinin sözlərinə görə, Rusiyada "MasterCard" plastik kartları üzrə bütün ödənişlər milli ödəniş sistemi vasitəsi ilə həyata keçirilir və ilin ortalarına doğru sistemə "Visa International" kartları üzrə də əməliyyatların qoşulması gözlənilir.