Noyabrın sonuna kimi telefon xidməti operatorları üzərində nəzarəti həyata keçirən yeni sisteminin tətbiqi üzrə işlərin başa çatdırılması planlaşdırılır. Layihənin icraçısı olan Azərbaycan Milli Akademiyasının İnformasiya Texnologiyaları İnstitutundan Trend ə bildiriblər ki, hazırda Aztelekom İstehsalat Birliyinin sifarişi üzrə sınaq işləri həyata keçirilir.
Yeni sistem özündə rabitə xidmətində həyata keçirilən bütün əməliyyatları qeydə alındığı məlumat bazasına malik olacaq.
"Bu sistemin reallaşdırılmasından sonra abunəçilər tərəfindən daxil olan şikayətləri, o cümlədən, beynəlxalq danışıqlar üzər xidmətlərə görə dəqiq məbləğin olmaması barədə iradları araşdırmaq və düzgün qərar qəbul etmək mümkün olacaq" - deyə dövlət strukturundan qeyd edilib.
İTİ-dan həmçinin, bildirilib ki, əvvəlcə sistem üzrə quraşdırma-sazlama işlərini oktyabrda başa çatdırmaq planlaşdırılsa da, bir sıra obyektiv səbəblər üzündən bu tədbiri noyabrın sonuna kimi təxirə salmaq lazım gəldi.
Perspektivdə bu sistemin ölkənin regionlarında da genişləndirilməsi və onları respublikanın paytaxtında vahid mərkəzləşdirilmiş şəbəkədə birləşjdirmək mümkündür.
İTİ -da hesab edirlər ki, yeni sistem vasitəsilə ən yaxşı işçiləri müəyyən etmək mümkün olacaq və öz növbəsində, onların fəaliyyəti müxtəlif həvəsləndirici mükafatlar və fəxri adlarla qiymətləndiriləcək. Bu da yüksək keyfiyyətli xidmətin göstərilməsini stimullaşdıracaq.