Azercell Telecom MM WCDMA xidmətlərinin göstərilməsini planlaşdırır. Trend in məlumatına görə, fevralın 7-də müəssisənin rəhbəri Sərdar Canoğulları bu barədə jurnalistlərə bildirib. Onun sözlərinə görə, MM artıq bu məqsədlə ölkə hökumətinə müraciət edib.
"Biz qəti cavabı gözləyirik və bu, alındıqda xidmətin tətbiqi ilə bağlı təcili işlərə başlanılacaq" -deyə S.Canoğulları qeyd edib.
Bu xidmət MDB ölkələrindən ilk dəfə olaraq Azərbaycanda tətbiq ediləcək.
WCDMA (Wideband Code Division Multiple Access (şirokopolosnıy CDMA)) standart üçüncü nəslin (3 G) xidmətlərinə dəstək məqsədilə geniş zolaqlı radioçıxışın təmin edilməsi üçün təyin edilib. Bu standartın sürəti (kiçik məsafələrdə 2 Mbit/s-dək və böyük tam çevikliklə 384 kbit/s) multi mediya məlumatlarının verilməsini dəstəkləməyə imkan verir. Texnologiya elektra maqnit cəhətdən GSM və PDC-ə uyğundur.