First International Merchant Bank (FimBank) Azərbaycana cavab sənədlərinin hazırlanması üçün əlavə vaxt ayrılması barədə müraciət edib. Bu barədə Trend ə Azərbaycanın Rabitə və İnformasiya Texnologiyaları Nazirliyindən məlumat verilib.
FimBank Azərbaycan hökumətini Rabitə Nazirliyinin guya zəmanəti altında mövcud olmayan Pochtbankın Rabitə Nazirliyinin mövcud olmayan Aztell müəssisəsinə $ 3 035000, Baktell müəssisəsinə $1 560000 məbləğində verilən krediti ödəməməkdə günahlandırır.
Trend in verdiyi məlumata görə, fevralın 14-nə planlaşdırılan iclas iddiaçı tərəfin məhkəmənin qərarı üzrə müvafiq sənədlərin hazırlanması üçün möhlət verilməsi müraciəti ilə əlaqədar martın 29-na keçirilib.
İndi isə FİMBank yenidən möhlət istəyir.
Sonuncu məhkəmə iclası Rotterdam dairə məhkəməsində yanvarın 4-də keçirilib və həmin iclasda Azərbaycan ölkə hökumətinin bu işdə iştirak etməməsi ilə bağlı inandırıcı sübutlar təqdim edib.
Dövlət strukturundan bildirilib ki, hazırda banka müraciət etməklə bağlı hər hansı qərar qəbul edilməyib və hökumətin qərarından asılı olmayaraq məhkəmə proseduruna görə onlar mövhlət verilməsi üçün məhkəməyə müraciət edəcəklər.
Bundan əlavə, FIMBank-ın iddiası Paris məhkəməsinə göndərilib. Həmin məhkəmənin qərarı ilə Rabitə Nazirliyinin 500 min səhminə ($3,5 mln) və Eutelsat S.A. şirkətinə qoyulan dividentlərin üzərinə qoyulan həbslə bağlı iddia yerinə yetirilib.
"Paris məhkəməsinin qərarı öz növbəsində Rotterdam məhkəməsinin qəbul etdiyi yekun qərardan asılı olacaq", - deyə Rabitə Nazirdliyindən bildirilib.
