Milli Elmlər Akademiyasının İnformasiya Texnologiyaları İnstitutu telefon xidməti operatorları üzərində nəzarət sisteminin genişləndirilməsi haqqında təkliflər hazırlayıb. İnstitutun mütəxəssisi Bikəs Ağayevin Trend ə verdiyi məlumata görə, Aztelekom İB-nin sifarişilə İTİ tərəfindən hazırlanmış sistem -məlumat bazasıdır ki, burada Bakı, Sumqayit, Xızı və Siyəzəndə operatorların on-line rejimində abunəçilərə göstərdiyi rabitə xidməti qeydə alınır.
"Sistem Gəncə və Lənkəran kimi regionlarda da tətbiq oluna bilər. Biz işi davam etdirməyə və 2 gün ərdində Aztelekom İB-yə təkliflərimizi təqdim etməyə hazırıq" - deyə o qeyd edib.
Hazırda İTİ telefon xidməti operatorları üzərində nəzarət sisteminin tətbiqi layihəsinin təqdimatına hazırlaşır. Artıq lazımi bukletlər və materiallar hazırlanıb, institutun fəaliyyəti və yeni layihə haqqında sənədli film çəkilib.
"Təqdimat mərasimini iyun ayında keçirmək planlaşdırılır" - deyə B.Ağayev bildirib.