Rabitə və İnformasiya Texnologiyaları Nazirliyində maliyyələşdirmə və investiya yatırılmasına həsr olunmuş kollegiya keçirilib. Trend agentliyinin nazirliyə istinadən yaydığı məlumata əsasən, rabitə və informasiya texnologiyaları naziri Əli Abbasov rabitə və informasiya-kommunikasiya texnologiyalarının yüksək inkişaf sürətini və Azərbacyanda İnformasiya-Kommunikasiya Texnologiyalarının İnkişafı üzrə Dövlət Proqramında (Elektron Azərbaycan) nəzərdə tutulmuş tədbirlərin intensiv həyata keçirildiyini qeyd edib.
İclas zamanı perspektivli layihələr üzrə maliyyələşdirmə və investisiya yatırılması yolları, eləcə də artıq maliyyələşdirilmiş tədbirlərə toxunulub.
Kollegiyanın əsas mövzusu sektorun hazırkı vəziyyəti, gələcək perspektivləri, "Elektron Azərbaycan" dövlət proqramına uyğun olaraq ölkənin telekommmunikasiya şəbəkəsinin tam bərpası üzrə işin maliyyə tərəfinin həlli olub.
