Azərbaycanın öz sputnikinin orbitə buraxılması məsələsinin 2007-ci ildə Cenevrədə keçiriləcək Radiorabitə üzrə Ümumdünya konfransında müzakirə ediləcəyi planlaşdırılır. Trend in xəbər verdiyi kimi, bu barədə Rabitə və İnformasiya Texnologiyaları Nazirliyinin baş mütəxəssisi Qulam Abdullayev bildirib.
Onun sözlərinə görə, artıq Beynəlxalq Elektron Rabitə İttifaqı (BERİ) ilə bu istiqamətdə işlər başlanıb. BERİ tərəfindən Azərbaycan üçün orbitdə müvafiq yer ayrıldıqdan sonra onun hazırlanması və texniki təchizatı üzrə işlər başlanacaq. Sputnikin 2008-ci ildə buraxılması planlaşdırılır.
Layihəyə qoyulan təxmini sərmayələr 80 mln. ABŞ dolları dəyərində qiymətləndirilir.
Azərbaycan hazırda Türkiyə və Avropa sptuniklərindən istifadə edir. Bundan başqa, Qazaxıstan Azərbaycana bu yaxınlarda buraxdığı sputnikindən istifadə etməyi təklif edib.