Azərbaycanın Rabitə və İnformasiya Texnologiyaları Nazirliyi yüksək texnologiyaların inkişafı üzrə ölkədə xüsusi iqtisadi zonanın yaradılması istiqamətində xidmət göstərəcək konsaltinq şirkətinin seçilməsinə dair tender təkliflərini nəzərdən keçirir. Bu barədə Trend ə nazirlikdən məlumat verilib. Tender komissiyası avqustun sonunadək tenderin nəticələrini elan edəcək.
Nazirlik konsaltinq şirkəti tərəfindən 4 ay ərzində Azərbaycanın yüksək texnologiyalar sektorunun vəziyyətinin təhlilini, ölkədə yüksək texnologiyalar üzrə xüsusi zonaların yaradılmasının məqsədəuyğunluğunun müəyyən edilməsini, belə strukturun yaradılmasının, onun sektorun və bütövlükdə ölkə iqtisadiyyatının inkişafına təsirinin təhlilini gözləyir.