Azərbaycanın rabitə və informasiya texnologiyaları naziri, akademik Əli Abbasov Bakı Dövlət Universitetinin tətbiqi riyaziyyat fakultəsinin tələbələri ilə görüş keçirib.
Trend nazirliyin məlumatına istinadən xəbər verir ki, görüşün keçirilməsinin məqsədi bu sahədə təhsil alan tələbələrin problemləri ilə tanışlıqdır.
Görüşdə nazir tələbələrə informasiya texnologiyalarının inkişafı üzrə islahatlar və perspektivlər haqqında danışıb. Ə.Abbasovun fikrincə, yüksək texnologiyaların xüsusi iqtisadi zonalarının yaradılması həmin sahənin ümumi inkişafına böyük təkan verər.
Nazir qeyd edib ki, İqtisadi Universitet tələbələrinin iştirakı ilə Elektron kommersiya layihəsi üzərində işlər görülür. Həmçinin nazir bu cür layihələrin BDU tələbələri ilə reallaşdırmaq zərurətini vurğulayıb.