Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyinin (İB) Tovuz rayon telekommunikasiya şəbəkəsi (TKŞ) Yuxarı Öysüzlü kəndində 768/60 nömrə tutumlu Elektron Avtomat Telefon Stansiyanın qurulması ilə əlaqədar tender elan edib. Bu barədə TKŞ-yə istinadən Trend xəbər verir.
Tender həmçinin eskiz sxemi əsasında 268 nömrəyə qədər genişləndirmək məqsədilə xətlər üçün material və 2 dəst HDSL avadanlığının alınmasını planlaşdırır.
Tenderdə iştirak üçün ərizələr yanvarın 15-nə qədər qəbul ediləcək. Əlavə məlumat üçün TKŞ-yə müraciət etmək lazımdır.
Tenderdə nəzərdə tutaln vəzifələr 2007-ci ildə icra olunmalıdır.
Ölkə regionlarında rabitə sisteminin yenidən qurulması 2005-2008-ci illərdə Azərbaycanda rabitə və informasiya texnologiyalarının inkişaf etdirilməsi proqramı çərçivəsində ("Elektron Azərbaycan") həyata kçeirilir.
