Azərbaycanın mobil operatoru Bakcell şəbəkənin genişləndirilməsi üzrə işlər görür. Cümə günü şirkətdən Trend ə verilən xəbərə görə, işlər fevralın 1-dən başlayıb. Şirkət çoxlu sayda abunəçilərə xidmət göstərmək üçün texniki şərtləri yaxşılaşdırır.
"2007-ci ildə bizim planlarımıza Azərbaycanın bütün ərazisində 500 baza stansiyasının quraşdırılması daxildir", - deyə şirkətin mətbuat xidmətində bildirilib.
Naxçıvan Muxtar Respublikasında operatorun xidmətlərinə olan tələbata gəlincə, şirkətdə qeyd olunub ki, Bakcell operatorunun xidmətlərinə maraq burada kifayət qədər yüksəkdir.
Bakcell 1994-cü ildə Azərbaycan Rabitə Nazirilyi ilə əməkdaşlıqda birgə müəssisə kimi yaradılıb. 1994-cı ildə o, analoq rabitə xidmətləri göstərən şirkət kimi fəaliyyətə başlayıb, 1998-ci ilin dekabrından isə GSM texnologiyasını tətbiq edib. 2003-cü ilin dekabrında özəlləşdirmə prosesi başa çatıb və nəticədə 2004-cü ilin yanvar ayından başlayaraq, Bakcell tam özəlləşdirilmiş şirkət kimi fəaliyyət göstərir. Hazırda operatorun abunəçilərinin sayı 800 min nəfərə çatıb.