Azərbaycan, Bakı, 19 sentyabr /Trend, müxbir H.Vəliyev/
"Bakıelektrikşəbəkə" ASC Bakıda yarımstansiyaların tikintisi və yenidən qurulmasına dair maraqlar sorğusu elan edib. Trend-in məlumatına görə, bu barədə çərşənbə günü rəsmi mətbuatda yayılan məlumatda deyilir.
Xüsusilə, ASC 35/6 kilovatlıq "Yeni Hovsanı-1" yarımstansiyasının tikintisi məqsədilə tender elan edib.
Təkliflər 26 sentyabr, saat 10:30-dək aşağıdakı ünvan üzrə təqdim olunmalıdır: Bakı şəhəri, Kazımzadə küçəsi, 20.
Maraqlar sorğusu, həmçinin Buzovna, Mərdəkan və Pirşağı qəsəbələrində 6 kilovatlıq kabel xətlərinin yenidən qurulması üzrə elan edilib. Təkliflər 26 sentyabr, saat 11:30-dək təqdim olunmalıdır.
Həmçinin, 110 kilovatlıq hava xətləri üçün təmir-bərpa işləri üzrə təkliflər 26 sentyabr, saat 09:30-dək ASC-yə təqdim edilməlidir.
