...

Rusiyalı ekspert: Yerevanın Bakı ilə "müharibə oynamaq" kimi cəfəng fikri ölüm çırpınışlarını xatırladır

Nəzər nöqtəsi Materials 21 Sentyabr 2018 16:49 (UTC +04:00)
Yerevanın Azərbaycana şərti müharibə elan olunması ilə bağlı səsləndirdiyi bəyanatları heç nə ilə əsaslandırılmayan populizm və cəfəngiyyatdan başqa bir şey adlandırmaq olmur
Rusiyalı ekspert: Yerevanın Bakı ilə "müharibə oynamaq" kimi cəfəng fikri ölüm çırpınışlarını xatırladır

Bakı. Mətanət Nəsibova - Trend:

Yerevanın Azərbaycana şərti müharibə elan olunması ilə bağlı səsləndirdiyi bəyanatları heç nə ilə əsaslandırılmayan populizm və cəfəngiyyatdan başqa bir şey adlandırmaq olmur.

Bunu Trend-ə rusiyalı politoloq Yevgeni Mixaylov Ermənistan parlamentinin saytında yerləşdirilmiş şərti müharibə elanını və buna Rusiya tərəfinin reaksiyasını şərh edərkən deyib.

Politoloqun sözlərinə görə, Ermənistan tərəfinin bu cür bəyanatları bir növ ölüm çırpınışlarına bənzəyir və sanki Ermənistan bu fikrə gəlir ki, hərbi yolla qələbə heç vaxt mümkün olmayacaq, çünki Azərbaycan heç vaxt olmadığı qədər güclüdür və istənilən kiçik bir səbəb qanuni cavaba və işğal olunmuş Azərbaycan torpaqlarının qaytarılmasına gətirib çıxaracaq.

Y.Mixaylov bildirib ki, Rusiya Xarici İşlər Nazirliyinin Yerevanın bu cür “aqressiv” bəyanatlarına reaksiyası kifayət qədər yumşaq, amma eyni zamanda da möhkəmdir:

“Moskvanın Yerevana ismarıcı təqribən belə görünür: Siz orada sakit olun, yoxsa biz həqiqətən də fikirləşərik ki, siz orada “müharibə oynamaq” istəyirsiniz”.

Politoloqun sözlərinə görə, Yerevanın bu cür hərəkətləri Rusiyanın regionda sabitliyin saxlanması üzrə siyasətinin pozulması kimi qiymətləndiriləcək.

Məqalədə:
Xəbər lenti

Xəbər lenti