Azərbaycan, Bakı, 18 may /Trend, müxbirlər E.Mehdiyev, V.İmanov/
"Buranovskiye babuşki" fanatlar və jurnalistlər arasında səsvermədə liderliyi davam etdirir.
Trend-in məlumatına görə, "Buranovskiye babuşki" Bakıda keçiriləcək "Eurovision 2012"-nin mətbuat mərkəzində fan-klubun üzvlərinin və jurnalistlər arasında təşkil olunmuş səsvermənin nəticələrinə görə, birinci yarımfinalın iştirakçıları arasında liderdir.
Mayın 18-si saat 11:00-a olan məlumata görə, Rusiya təmsilçiləri 204 səslə birinci yerdədirlər. İkinci yeri 190 səslə Yunanıstanın təmsilçisi Eleftheria Eleftheriou tutur. Rumıniyanın "Mandinga" qrupu isə 187 səslə üçüncüdür.
Səsvermə mətbuat mərkəzi bağlananadək davam edəcək və günün sonunda başa çatacaq.
Belə getsə, "Eurovision 2012"-nin qalibi nənələr olacaq
"Buranovskiye babuşki" fanatlar və jurnalistlər arasında səsvermədə liderliyi davam etdirir.
