Gürcüstan, Tbilisi, 04 oktyabr / Trend , müxbir N.Kirtsxaliya/ Gürcüstan Baş nazirinin müavini Qiorqi Baramidze Stalinin Qorinin mərkəzindəki heykəlini sökməyi təklif edir. Baramidzenin hökumətin iclasında bəyan etdiyinə görə, qəhrəman şəhərdə SSRİ-ni yaradan şəxsin və milyonlarla insanı öldürən adamın heykəlinin olması gərəksizdir.
"Bu, bir zamanlar mənşəcə gürcünün yaratdığı imperiyaya müqavimət göstərən qəhrəman şəhər Qoriyə layiq deyil", - o deyib.
Baramidze heykəlin Stalinin ev muzeyinə aparılmasını təklif edir.
Baramidzenin fikri Baş nazir Lado Qurqenidzenin də xoşuna gəlib. O, öz növbəsində təşəbbüsü dəstəkləyəcəyini bildirib.