...

ATƏT-in yeni sədri Dora Bakoyannis təşkilatda islahatlara lüzum görmür – MÜSAHİBƏ

Dünya xəbərləri Materials 24 Dekabr 2008 17:14 (UTC +04:00)

ATƏT-in yeni sədri, Yunanıstanın xarici işlər naziri Dora Bakoyannis ilə elektron poçt vasitəsilə Trend -un müsahibəsi

- ATƏT- ə sədrlik dövründə Yunanıstanın hansı prioritetləri var? ATƏT-də islahatların aparılmasına lüzum görürsünüzmü? - ATƏT-də islahatların aparılmasına zərurət olduğunu düşünmürəm. Əksinə, güman edirəm ki, bu təşkilat səmərəli işin davam etdirilməsi üçün bizim tam dəstəyimizə ehtiyac duyur.

Biz sədrlik dövründə həyata keçirəcəyimiz məqsədləri müəyyən etmişik və onları yanvarın 15-də Vyanada açıqlamağı planlaşdırırıq. Ümumilikdə, Yunanıstanın sədrliyi ATƏT-i Avropa təhlükəsizlik memarlığı mərkəzində güclü etməyə çalışacaq. Bu, regionun ciddi geosiyasi problemlərlə qarşılaşdığı bir məqamda lazımdır.

ATƏT-i avropalıların layiq olduğu kimi etmək üçün biz üç prinsipi rəhbər tutacağıq: təşkilat qaydalarına, dəyərlərinə və prinsiplərinə hörmətlə yanaşmaq, optimal konvergensiya və konsensusa nail olmaq, münaqişə və böhranların idarə olunması və qarşısının alınması sahəsində ATƏT-in rolunun möhkəmləndirilməsi. Biz ATƏT-in böyük əhəmiyyətə malik olduğuna inanırıq və bu missiyanın yerinə yetirilməsinə kömək etməyi planlaşdırırıq.

- Ermənistan - Azərbaycan, Dağlıq Qarabağ münaqişəsinin nizamlanmasında Yunanıstan hansı addımları ata bilər? Azərbaycanın ərazi bütövlüyü əsasında bu fikir ayrılığının həllini necə görürsünüz?

- Yaxşı məlumdur ki, biz bütün dövlətlərin ərazi bütövlüyünü və suverenliyini, onların beynəlxalq səviyyədə tanınan sərhədləri çərçivəsində qətiyyətlə dəstəkləyirik. Yunanıstan güman edir ki, iki tərəf arasında keçirilən görüşlər qarşılıqlı etibarın bərqərar olmasına aparır, bunlar müsbət addımlardır və münaqişənin həlli üçün lazımdır.

Biz həm də hazırkı vəziyyətdən yaranan insan ağrısını nəzərə almaya bilmərik. Biz hesab edirik ki, regionda təhlükəsizlik və stabillik yaratmaq üçün minlərlə məcburi köçkün doğma yurd -yuvalarına qayıtmalıdır.

Danışıqların yüngülləşdirilməsinə yönəldilmiş səyləri və beynəlxalq hüquq normaları əsasında münaqişənin nizamlanması üçün təklif olunan prinsiplərə görə ATƏT-in Minsk Qrupu təşəkkürə layiqdir. Yunanıstan bu səyləri dəstəkləyir və hər iki tərəfi Fransanın xarici işlər nazirinin dekabrın əvvəlində Helsinkidə yüksək səviyyəli görüşündə Avropa İttifaqının adından etdiyi bəyanatına müvafiq konstruktiv qarşılıqlı münasibətlərə çağırır.

Biz 2009 - cu ildə bu istiqamətdə irəliləyişlər görəcəyimizə ümid edirik.

- Gələn il Cənubi Osetiya və Abxaziyada ATƏT- in missiyası uzadılacaq və ya genişləndiriləcəkmi?

- Biz çox təəssüflənirik ki,təşkilatın 56 iştirakçı dövləti arasında missiyanın Gürcüstanda fəaliyyətinin davam etdirilməsi mümkünlüyünə dair konsensus əldə olunmadı. Sədrliyi dövründə Yunanıstan ATƏT-in Gürcüstanda fəaliyyətini hamıya münasib formada davam etdirməsinə maksimum səy tətbiq edəcək.

Məqalə müəllifi ilə əlaqə ünvanı - [email protected]

Xəbər lenti

Xəbər lenti