Gürcüstan, Tbilisi, 15 yanvar/ Trend , müxbir N.Kirtsxaliya/ Gürcüstanın birinci xanımı Sandra Rulovs ABŞ prezidenti Barak Obamanın andiçmə mərasimində iştirak edəcək. Bu barədə Trend -a Gürcüstan prezidentinin xanımının mətbuat xidmətindən məlumat verilib.
Amerikanın 44-cü prezidentin andiçmə mərasimi yanvarın 20-də Vaşinqtonda keçiriləcək.
Gürcüstanın müxalifət cəbhəsinə keçən BMT-dəki keçmiş səfiri və hazırda ehtimal olunan birləşmiş müxalifətdə liderliyə iddiaçılardan biri İrakli Alasaniya da mərasimə dəvət alıb.