Azərbaycan, Bakı, 23 yanvar / Trend müxbir V. Javoronkova/ Ekspertlər hesab edir ki, Qırğızıstan hökumətindəki növbəti kadr əvəzləmələri dövlət aparatının qeyri-effektiv fəaliyyəti və müxalifətin güclənməsi ilə bağlıdır.
"Bugünkü yerdəyişmələr və istefalar gözlənilən idi ... idarəetmədə fəaliyyət göstərən kadrlarımız çox geri qalırdılar və müvafiq olaraq bu, ölkənin istər daxili, istər də xarici siyasətinə təsirini göstərirdi", - deyə Trend -a qırğız politoloqu Mars Sariyev bildirib.
Cümə günü Qırğızıstan prezidenti Kurmanbek Bakiyev bir sıra kadr dəyişiklikləri edib. O Qırğızıstan hökuməti aparatının rəhbərini, təhsil nazirini, prezident administrasiyası rəhbərinin müavinini, prezident administrasiyasının dövlət idarəetmə siyasəti və təşkilatçılıq işləri şöbəsinin müdiri işdən azad edib.
Bu, ilin əvvəlindən ilk kadr dəyişikliyi deyil. Yanvarda prezident administrasiyasının rəhəbri, baş nazir müavini, daxili işlər nazirinin iki müavini istefaya göndərilmişdirlər.
Ekspertlər hesab edir ki, dövlət strukturlarındakı müvafiq dəyişikliklər hökumətin qeyri-qənaətbəxş fəaliyyəti ilə bağlıdır.
Yerdəyişiklikləri çoxdan gözlənilirdi. Çünki hələ prezident Əsgər Akayevin dönəmindən yüksək eşelon ciddi dəyişikliklərə məruz qalmamışdır. "Orada "zamanla ayaqlaşan" və dünyada baş verən prosesləri bilən yeni kadrlar yox idi", - deyə Sariyev əlavə edib.
Qırğızıstanın Sosial-demokratik partiyası fraksiyasının lideri, deputat Baktıbek Beşimov isə hesab edir ki, hökumətin qeyri-effektiv fəaliyyətini enerji böhranı, maliyyə böhranına hazırlıqsızlığı fonunda müşahidə etmək olar.
"Ölkənin iqtisadi və sosial problemlərinin həlli zamanı böyük səhvlərə yol verilmişdir", - deyə Trend -a Beşimov bildirib.
Kadr dəyişikliklərinin səbəblərinə həmçinin müxalifətin güclənilməsini də aid etmək olar. Beşimovun sözlərinə görə, müxalifət siyasi strategiya və taktika baxımından yeni keyfiyyətləri nümayiş etdirib.
Dekabrın 24-də Qırğızıstan müxalifəti müvafiq sazişi imzalamaqla Xalq hərəkatını yaradıb.
"Hakimiyyət müxalifətin güclənilməsindən çox narahatdır və kadr dəyişikliyi müxalifətə cavab vermək cəhdidir", - deyə Beşimov bildirib.
Siyasi şərhçi Turat Akimov isə hesab edir ki, prezident Bakiyevin yalnız iki çıxış yolu var idi: ya islahat aparmaq, ya da müxalifətlə danışıqlara getmək.
"O birinci yolu seçdi və kadr dəyişikliyi yeni islahatçı addımlar kimi dəyərləndiriləcək", - deyə Trend -a Qırğızıstanın "Reportyor" qəzetinin baş redaktoru olan Akimov söyləyib.
Ekspertlərin kadr dəyişikliklərin hökumətin gələcək fəaliyyətinə necə təsir edəcəyinə dair fikirləri fərqlidir.
"Düşünürəm ki, bu yerdəyişikliyi ciddi bir nəticə verməyəcək. Məhz yerdəyişmələri gzlənilirdi", - deyə Akimov bildirib.
Beşimovun fikrinə gəldikdə isə o hesab edir ki, kadr dəyişikliyi prinsipi yetərincə düşünülməyib.
"Hökumət qarşısındakı yeganə və əsas tələb prezidentə sədaqətli olmaqdır. Bu cür şərt fonunda ölkəsinə xidmət etmək istəyən və ətrafda baş verənlərə diqqət yetirməyən peşəkar kadrları tapmaq çətin olacaq", - deyə Beşimov vurğulayıb.
Lakin Sariyev hesab edir ki, kadr dəyişikliyindən sonra prezident respublika qarşısında dayanan çətin problemləri həll edə biləcək.
"İndi gənc kadrlar gələcək. Onlar Qırğızıstanın müstəqilliyi dövründə Avropa, Türkiyə və Rusiyada təhsil alıblar. Onların gəlişi dövlət orqanlarının siyasətində dəyişikliklərə gətirib çıxaracaq", - deyə Sariyev bildirib.
Eyni zamanda o hesab edir ki, bu, kadr dəyişiklikliyini tələb edən müxalifətin tələbinə cavab verir.
"Problemlərin həlli üçün imkan yaranacaq və müxalifətin köhnə nomenklaturanı dəyişməklə məşğul olan prezidentlə dialoq üçün fürsəti olacaq", - deyə Sariyev bildirib.
O hesab edir ki, bu kadr dəyişiklikləri, habelə yeni kadrların, yəni təzə fikirlərə malik gənc peşəkarların gəlişini prezident tərəfindən müxalifətin tələblərindən birini qəbul etməsi kimi dəyərləndirilə bilər.
Materialın hazırlanmasında həmçinin R.Məşədihəsənli (Bişkek) iştirak edib.
Məqalənin müəllifi ilə bu ünvan vasitəsi ilə əlaqə saxlamaq olar: [email protected]