"İsrail və Suriya sülh haqda razılığa gəlsələr, Beyrut da Tel-Əvivlə müqavilə imzalayacaq", - "Əl-Mustakbal" Livan hərəkatının lideri, Livan parlamentində üstünlük təşkil edən "14 mart" koalisiyasının rəhbəri Saad Həriri deyib, İsrail qəzeti "Haaretz" məlumat verir.
Misir televiziyası ilə çıxış edərkən qətlə yetirilmiş Baş nazir Rafiq Həririnin oğlu Saad Həriri bildirib ki, Livan İsraillə sülh haqda müqavilə imzalayacaq sonuncu ərəb ölkəsi olacaq, amma o, belə anlaşmanın mümkünlüyünü istisna etməyib, - qəzet yazır.
Livan və İsrail arasında danışıqlar "Hizballah"ın hərbi qanadı ilə və İsrail arasında baş vermiş Livan müharibəsində sonra 2006-cı ilin iyulunda BMT tərəfindən qəbul edilən 1701 saylı qətnaməyə əsaslanır. Qətnaməyə əsasən, İsrail Livan şəhərlərinin bombardmanını dayandırmaqla, qoşunlarını 2006-cı ilin avqustunda Livanın cənubundan çıxarıb.
Həriri əlavə edib ki, o, Dəməşq və Tel-Əvivi yalnız Colland yüksəklikləri Suriyaya qaytarılacağı təqdirdə dəstəkləyəcək.
İsrail Colland yüksəkliklərini 1967-ci ildəki altıgünlük müharibədə ələ keçirib və onu 1982-ci ildə anneksiya edib. Ancaq BMT bu torpaqları İsrailin əraziləri kimi tanımır.
Suriya və İsrail arasında Türkiyənin vasitəçiliyi ilə danışıqlar yanvarda, İsrail tərəfindən HƏMAS Fələstin hərəkatı üzvlərinə qarşı Qəzza Zolağında aparılan hücumlardan sonra dayandırılıb.