Qətər Dövlətinin energetika və sənaye naziri Məhəmməd bin Saleh əs-Sadə bu gün İrana rəsmi səfər edib. Bu barədə İranın İSNA xəbər agentliyi məlumat yayıb.
Səfərdə Qətər nazirini bu ölkənin iqtisadi, neft və qaz sahəsində çalışan şirkətlərin rəhbərlərindən ibarət nümayəndə heyəti müşayiət edir.
Səfər zamanı İran və Qətər rəsmiləri arasında müxtəlif sahələrdə, o cümlədən bank, müştərək sərmayə yatırılması və qaz sahəsində əməkdaşlıq haqqında müzakirələr aparılacaq.