İran paytaxtında "Tehran bazarı"ında güclü yanğın baş verib. Yanğın "Teymuri" və "Əmiri" ticarət mərkəzlərində geyim, bər-bəzək və ərzaq məhsulları dükanlarına ciddi ziyan vurub. Bu barədə Trend İranın IRINN xəbər kanalının rəsmi xəbər saytına istinadən məlumat verir.
Yanğın bu gün günorta saat 14:30 radələrində başlayıb. 10-dan artıq yanğınsöndürmə biriqadasının səyləri nəticəsində yanğının digər ticarət obyektlərinə keçməsinin qarşısı alınsa da hələlik tam söndürülməyib.
Yanğın nəticəsində vətəndaşlara çoxlu sayda maddi ziyan dəyib. Xəsarət alan yoxdur.