İsrailin humanitar yardım daşıyan gəmilərə hücumu İsrailin mövcudluğunun geriyə hesablanmasının başlanğıcını qoyub. Bu sözləri İranın müdafiə naziri Əhməd Vahidi deyib. Məlumatı IRNA informasiya agentliyi yayıb.
Bazar ertəsi İsrail hərbçiləri blokadada olan Qəzza sektoruna göyərtəsində yüzlərlə hüquq müdafiəçisi və minlərlə ton humanitar yardım aparan beynəlxalq donanmanın gəmilərinə hücüm edib. İsrailin "Haaretz" qəzetinin "tam uğursuzluq" adlandırdığı əməliyyatın gedişində son məlumatlara görə, humanitar missiyanın 19 üzvü ödürülüb və 30 üzvü yaralanıb."Əl-Ərəbiyyə" telekanalının məlumatına görə, yaralananların əksəriyyəti ağır vəziyyətdədir.
Türk humanitar missiyasının məlumatına görə, ölən 16 nəfərdən 15-i Türkiyə vətəndaşıdır .Bu, "Haaretz"in fikrincə, Ankara ilə münasibətlərin bütövlüklə pozulmasına gətirib çıxara bilər. Çünki bu münasibətlər onsuz da İsrailin 2008-ci ildə Qəzzada müharibə aparmasından sonra daha da gərginləşib.
Trend-in ən mühüm və maraqlı xəbərlərini "Telegram"da izləyin
