İran nüvə yanacağı üzrə azzənginləşdirilmiş uranın mübadiləsi haqda texniki danışıqları aparmağa hazır olduğunu bəyan etdiyinə görə, o, "Vyana qrupu"na vaxt itirməməyi məsləhət görüb. Bu barədə Press-TV xəbər verir.
"Nüvə yanacağının mümkün mübadiləsi haqda Tehran bəyannaməsi tərəflər arasında etimadın möhkəmləndirilməsi üçün yaxşı əsasdır", - İranın nüvə enerjisi üzrə təşkilatının rəhbəri Əli Əkbər Salehi bəyan edib.
"İran MAQATE-yə və "Vyana qrupu"na öz cavabını hazırlayıb və yaxın iki-üç gün ərzində yola salınacaq", - o əlavə edib.
Salehi, həmçinin, qeyd edib ki, Tehran "Vyana qrupu"nun - ABŞ, Rusiya, Fransanın və MAQATE-nin mayın 17-də imzalanan Tehran bəyannaməsi ilə bağlı verdiyi suallara öz cavabını hazırlayıb.
Mayın 17-də İran, Türkiyə və Braziliya 1200 kq azzənginləşdirilmiş uranın Türkiyə ərazisində 20 faizlik yanacaqla mübadiləsi barədə bəyannamə imzalayıblar.
Salehinin sözlərinə görə, "Vyana qrupu" 9 texniki, hüquqi və siyası məsələ qaldırıb.
"Cavablar barədə ətraflı məlumat "Vyana qrupu" ilə görüşdən sonra məlum olacaq", - o bildirib.
Salehi İranın əvvəlki kimi, sazişi yerinə yetirməyə hazır olduğunu təsdiqləyib və hesab edir ki, bu, "uranın zənginləşdirilməsi üçün ən yaxşı üsuldur".
Trend-in ən mühüm və maraqlı xəbərlərini "Telegram"da izləyin
