İranda zəlzələ nəticəsində ən azı 170 insan xəsarət alıb. Məlumatı IRIBNEWS yayıb.
"Ən azı 170 insan xəsarət alıb. 2 yaralının vəziyyəti çox ağırdır, ona görə də onlar Məşhəd şəhər xəstəxanasına yerləşdiriliblər. 20 nəfər Türbəti-Heydəriyyə xəstəxanasına yerləşdirilib. Qalanları isə ambulator tibbi yardım göstərildikdən sonra evə buraxılıblar. Şəhərin 190 kəndinin 10-da evlər əhəmiyyətli dərəcədə zərər görüblər", - Türbəti-Heydəriyyə şəhərinin meri Müctəba Sadıqiyan deyib.
5,7 bal gücündə zəlzələ İranın şimal-şərqində, Türbəti-Heydəriyyə şəhərinin yaxınlığında yerləşən Xorasan Rəzavi vilayətində baş verib, 170-dən çox insan xəsarət alıb. Məlumatı İranın IRNA informasiya agentliyi yayıb.
Zəlzələ yerli vaxtla (1450 GMT) 18:20-də baş verib, təxminən 10 saniyə davam edib.
7 kilometrə yaxın dərinlikdə 5,7 bal gücündə yeraltı təkanlar şəhərin 7 kilometrliyində qeydə alınıb.
Yerli KİV-in məlumatına görə, şəhərdə binalar, yolda dayanmış avtomobillər zərər görüb, elektrik təchizatı və telekommunikasiya xətləri sıradan çıxıb.
Ümumiyyətlə, İranda tez-tez güclü zəlzələlər baş verir. Son zamanlarda ən güclü zəlzələ 2003-cü ilin dekabrında Kirman əyalətinin cənub-şərqində yerləşən Bəm şəhərində baş vermişdi. Zəlzələ nəticəsində 31 min insan ölmüş və palçıqdan tikilən qədim qala dağılmışdı.